Ligaxkako partida guztiak irabazita ailegatu dira binakako erremonte txapelketako finalera Uterga eta Ion

E•remontek antolatutako binakako erremonte txapelketako ligaxkako azken jardunaldia jokatu da asteburuan Elizondon. Ortziraleko partidan Xanti Uterga doneztebarra eta Ionek erraz irabazi zieten Aldabe eta Azpirozi, 35-18. Partida bera jokatuko dute larunbatean Labriten jokatuko den finalean, baina ortziralekoak ez du balio erreferentzia bezala, Baztan pilotalekua Labrit baino puskaz luzeagoa delako.

Ortziraleko jaialdia ireki zuen jaialdian, Aimar Jabalera doneztebarrak eta Agirrezabalak 30-28 irabazi zieten Erburu eta Barricarti.

Ezkurra II.ak eta Saldiasek garaipena larunbatean

Larunbateko partidan, berriz, ligaxkako azken postua saihesteko partida gogorra jokatu zuten. Azkenean, Josetxo Ezkurra II.a doneztebarrak eta Aimar Saldias oiztarrak 35-34 irabazi zieten Matxin III.a eta Otanori.

Otano, Matxin III.a, Ezkurra II. eta Saldias, larunbateko partidaren ondotik. Malerrekakoak gailendu ziren tanto bakarragatik.

Jaialdiko lehen partidan, Zeberio II.ak eta Ionek 30-26 irabazi zieten Aldabe eta Barricarti.