Abenduaren 12an, igande eguerdiko 12:00etan, Beintza-Labaienen jokatuko da Nafarroako aizkolarien lehen mailako Nafarroako txapelketaren finala. Lekunberrin sailkatutako bost aizkolari izanen dira bertan aurrez aurre: Iker Vicente (Otsagabia), Eneko Saralegi (Errazkin), Julen Olano (Leitza), Jon Rekondo (Leitza) eta Joxean Etxeberria (Ziga).
Nafarroan txapeldun handiak izan ohi dira, Martin Gartziarena, Ramon Latasa, Migel Berakoetxea, Patxi Astibia, Miel Mindegia, Donato Larretxea, Floren Nazabal,… Orain Iker Vicenteren aroa da. Bera izanen da faborito nagusia txapela janzteko Beintza-Labaiengo finalean.
Eguraldi ona eginen balu, Labaiengo frontoian jokatuko litzateke. Euria eginez gero, Beintzako frontoi estalian. Ohi bezala, lau kanaerdiko, lau 60 ontzako eta bi oinbiko moztu beharko dituzte.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.