E•remontek antolatutako binakako erremonte txapelketako bigarren jardunaldia jokatuko dute asteburuan Irurtzunen

Liderrak dira Ion eta Uterga eta bigarren garaipen batekin hanka eta erdi izanen lukete Labriteko finalean.

Ortziralean Ezkurra II.a eta Saldias, Aldabe eta Azpirozen kontra eta larunbatean Matxin III.a eta Otano, Uterga eta Ionen kontra.

Joan den asteburuan Lodosan abiatu ondotik, azaroko azken asteburuan jokatuko dute Irurtzunen E•remonte Beti Euskal Jaik antolatutako binakako erremonte txapelketako finalerdietako ligaxkako bigarren jardunaldia. Azaroaren 26an, ortziralean 19:00etan hasita Ezkurra II.a eta Saldias, Aldabe eta Azpirozen kontra ariko dira eta azaroaren 27an, larunbatean 19:00etan hasita, Matxin III.a eta Otano, Uterga eta Ionen kontra.

Finalerdietako azkena Elizondon abenduaren 10 eta 11n eta finala Labriten abenduaren 17an

 

Finalerdietako ligaxkako azken jardunaldia abenduaren 10 eta 11n jokatuko dute Elizondon. Ortziralean 19:00etan hasita, Uterga eta Ion, Aldabe eta Azpirozen kontra ariko dira eta larunbatean, ordu berean, Matxin III.a eta Otano, Ezkurra II.a eta Saldiasen kontra.

 

Finala abenduaren 17an jokatuko dute Iruñeko Labrit pilotalekuan, finalerdietako ligaxkako irabazleek eta bigarrenek.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun