E•remonte Beti Euskal Jaik antolatutako binakako erremonte profesionaleko txapelketako lehen partidak jokatu dituzte asteburuan Lodosan. Finalerdietako ligaxkako lehen partida ortziralean jokatu zen eta Aldabek eta Azpirozek 35-33 irabazi zieten Matxin III.ari eta Otanori. Larunbatean, Xanti Uterga doneztebarrak eta Ionek 35-26 irabazi zieten Josetxo Ezkurra II.a doneztebarrari eta Aimar Saldias saldiastarrari. Hortaz, Uterga eta Ion dira lehen liderrak.
Azaroko azken asteburuan, finalerdietako ligaxkako bigarren jardunaldia Irurtzunen jokatuko dute. Azaroaren 26an, ortziralean 19:00etan hasita Ezkurra II.a eta Saldias, Aldabe eta Azpirozen kontra ariko dira eta azaroaren 27an, larunbatean 19:00etan hasita, Matxin III.a eta Otano, Uterga eta Ionen kontra.
Ligaxkako azkena Elizondon abenduaren 10 eta 11n
Finalerdietako ligaxkako azken jardunaldia abenduaren 10 eta 11n jokatuko dute Elizondon. Ortziralean 19:00etan hasita, Uterga eta Ion, Aldabe eta Azpirozen kontra ariko dira eta larunbatean, ordu berean, Matxin III.a eta Otano, Ezkurra II.a eta Saldiasen kontra.
Finala abenduaren 17an jokatuko dute Iruñeko Labrit pilotalekuan, finalerdietako ligaxkako irabazleek eta bigarrenek.