Jende asko hurbildu zen joan den larunbatean, azaroaren 6an, Ezkurrako ludotekan egin zuten Bi ero diskotekan antzerkia ikustera. Horrez gian, aurretik Aroa Noble Flores Lañaideko talde feministako ezkurrarrak hitz egin zuen. «Aurreikuspen argiak» dituztela azaldu zuen eta horiei forma emateko «gogotsu» daude: formakuntzekin segitu nahi dute eta feminismo anti-arrazista jomuga duen hausnarketa lantzeko ideiak lantzen ari omen dira, baita dirua lortzeko ekitaldiak egiteko aukerak aztertzen ere. «Ideiei forma eman eta hitzetatik ekintzetara pasatzea izanen da hurrengo egitekoa».