Txapelketa jokatu den zirkuitua «izugarri polita eta zaila» zela aipatu digu Ibarrolak, «disko pila bat galdu dira».
Hemezortzi saskiko hiru txanda jokatu dituzte eta kategoria bakoitzeko lau onenek lortu dute finalerako txartela, tartean Ibarrolak: «Lehenbiziko txandan bigarrena izan naiz, hirugarrenarekin berdindua; bigarren txandan laugarrena izan naiz eta hirugarrenean hirugarren».
Finalean, bederatzi saskiko txanda bakarra jokatu dute eta hirugarren postuari eustea lortu du doneztebarrak. «Finalean laugarrenari bortz jaurtiketaren aldearekin hasi naiz, baina lehenengo saskian bi kendu dizkit. Nahiko urduri aritu naiz, baina ongi kudeatu dut diferentzia postua eta hirugarren postua lortu dut»
Bere kategorian lehen bi postuetan Javier Del Riego eta Luis Menendez sailkatu ziren. Kategoria nagusian Carlos Río eta Vilja Hulden izan dira Espainiako txapeldun, Pro Master 40+ kategorian Ivan Gutierrez eta junior kategorian Dabi Cipriano.