Banakako erremonte profesionaleko txapelketa 2021eko Martiko Sari Nagusiko finalerdiak asteburu honetan jokatuko dituzte Zestoan (Gipuzkoa). Lehenbizikoa ortziralean izan zen eta bi doneztebar izan ziren aurrez aurre. Josetxo Ezkurra II.ak 30-27 irabazi zion Xanti Utergari, finalerako txartela eskuratuz. Larunbatean, berriz, Ionek erraz irabazi zion Zeberio II.ari.
Ortziraleko jaialdiko lehen partidan, Aldabek eta Otanok 30-19 irabazi zieten Aimar Jabalera doneztebarrari eta Barricarti, baina markagailuak erakusten duena baino partida orekatuagoa izan zen.
Ezkurra II.a eta Utergaren arteko partida, berriz, bikaina izan zen, berdindua eta gogorra. Uterga hasi zen agintzen (61 eta 8-3), baina bederatzina berdindu zuen Ezkurra II.ak eta hortik hogeita banakora bitarte, arras berdinduak hoan ziren. Hiru tantuko aldea hartu zuen Ezkurra II.ak (23-26), baina berriz ere 26-26 eta 27-27 berdindu zuten. Azken hiru tantoak, ordea, Ezkurrak egin zituen, finalerako txartela eskuratuz (30-27). Txalo zaparrada handi batekin agurtu zituzten bi erremontistak Zestoan bildutako zaleek.
Larunbatean Ion nagusi
Larunbateko finalaurrekoan, berriz, Ionek erraz irabazi zion Zeberio II.ari, 30-19. Jaialdiko lehen partidan, Matxin III.ak eta Agirrezabalak 30-21 irabazi zieten Eloi Otxandorenari eta Azpirozi.
Larunbatean Labriten jokatuko den hiruko finalean, beraz, Ezkurra II.a, Ion eta Azpiroz ariko dira.