Plataformak adierazi duenez «planto egiteko hamar minutuko ekintza» izanen da, eta «argi» utzi nahi izan du «ekintza ikastetxeetan egitea proposatu dugula guraso zein hezkuntzako profesionalak antolatu, batu eta aktibatzeko helburuarekin, hezkuntza komunitatearen parte garen heinean, hitza eta erabakietan parte hartzeko gaitasuna ditugula gogoratzeko». Horrekin batera, nabarmendu duenez, «ez da ikastetxearen kontrako ekintza, bai, ordea, hezkuntza protokoloa bera eta hau ezartzearen kontrakoa. Denok gara gure haurren ongizatearen arduradun». Taldearen hitzetan, «6-12 urte bitarteko haurrek aire zabalean maskararekin egon beharraren argudioari ez diogu zentzurik aurkitzen. Haurrak herriko parketan eta plazetan maskararik gabe baitabiltza».
Doneztebeko jarrialdia 16:00etan eginen dute.