Patxi Mindegia ez da Urrezko Aizkolari Txapeldunen Ligako finalerako sailkatu

Deustuko kanporaketan aritu ziren lau aizkolariak eta erakustaldia eskaini zuten bi harri jasotzaileak.

Ibai Soroa eta Suharri Rodriguezek lortu zuten txartela igandean Deustun.

Urrezko Aizkolari Txapeldunen Ligako lehen kanporaketa jokatu zuten urriaren 3an Deustun (Bizkaia). Patxi Mindegia zubietarra hirugarren izan zen, hortaz, ez zuen finalerako sailkatzea lortu. Arribeko Ibai Soroa eta Hernaniko Suharri Rodriguez, eta datorren igandean Leitzan jokatuko den bigarren kanporaketako bi onenak izanen dira urriaren 17an Lizarran jokatuko den finalean.

Igandean Deustun Ibai Soroa izan zen onena (13.27) eta Suharri Rodriguez bigarren (13.58). Patxi Mindegia hirugarren izan zen (14.16) eta Arribeko Txomin Amundarain laugarren (14.39).

Harri jasotzen erakustaldia ere izan zen.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun