Aurten ere Zubiriko kiroldegiko pilotalekuak hartuko du Nafarroako 16. erremonte txapelketaren finala irailaren 11n. Txapeletako bat bederen Doneztebera etorriko da, aitzineko koadroetan aurrez aurre izanen baitira Xanti Uterga eta Eloy Otxandorena. Otano eta Azpiroz izanen dituzte lagun gibelean, hurrenez hurren.
Larunbatean 17:00etan Zubirin hasiko den jaialdiko lehen partidan, Erburu eta Ion, Aimar Jabalera doneztebarraren eta Aimar Saldias oiztarraren konra ariko dira. Gainera Erremonte Fundazioak Nafarroako atletismoari omenaldi xume bat eginen dio eta Asier Martinez eta Izaskun Oses izanen dira atletismoaren ordezkariak Zubirin. Biak finalista izan ziren Tokion, Martinez joko olinpikoetan eta Oses paraolinpikoetan.
Txapelketa osoan bezala sarreran 5 euro ordaindu beharko dira, oso-osorik ADANO elkartearentzat izanen direnak.