Lesagibel eskultorearen erakusketa Donamarian ikusgai

N-estetika erakusketa Donamariako Jauregian dago ikusgai iraileko asteburuetan.

Fernando Lesagibel eskultorearen N-estetika erakusketa ikusgai dago Donamariako Jauregian iraileko larunbat eta igandetan, hau da, irailaren 4, 5, 11, 12, 18, 19, 25 eta 26an. Goizetan 11:00etatik 13:00etara egonen da, eta arratsaldetan 17:00etatik 19:00etara. Bertan, egurrarekin landutako eskultura abstraktuak izanen dira ikusgai, «iraganetik jasotako adierazpen estetiko baten saiakera, egurra sentitzeko aukera bat, sentipenak gogoratzeko…». Musukoaren erabilera derrigorrezkoa da erakusketan sartzeko.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun