Euskadiko 3. Mailako Aizkora Txapelketaren lehenengo kanporaketa egin dute Donamarian

37 aizkolarik eman dute izena aurtengo txapelketan aritzeko eta hiru kanporaketa saio eginen dituzte guztira finalera sailkatzeko. Jokin Urretabizkaia eta Julen Gabirondo gipuzkoarrak dira lehenengo sailkatuak

Euskadiko 3. Mailako Aizkora Txapelketarako kanporaketa saioak martxan dira eta atzo egin zuten lehenengoa Donamarian. 12 aizkolarik parte hartu zuten bertan eta aizkolari bakoitzak lau kanaerdiko ebaki behar izan zituen. Jokin Urretabizkaia Berasategik eta Julen Gabirondo Izetak lortu zituzten lehenbiziko bi postuak, 8'25'' eta 8' 53''ko denborekin hurrenez hurren, eta finalerako sailkatuak izan dira.

Bi kanporaketa saio gehiago eginen dituzte, 37 aizkolarik eman baitute izena. Irailaren 5ean aurreikusi dute egitea hurrengo kanporaketa.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun