Ezkurra II.ak eta Barricartek bi partidak irabazi zituzten: Aldabe eta Saldias liderrei 20-12 irabazi zieten eta Zeberio II.a eta Ionen kontrako partida erabakigarrian, 20-17 irabazi zieten. Zeberio II.ak eta Ionek 20-19 irabazi zieten Aldabe eta Saldiasi.
Gauzak honela, Aldabe-Saldias (19 puntu), Uterga-Otano (12 puntu) eta Otxandorena-Azpiroz (12 puntu) bikoteek segurtatua dute finalerdietarako txartela. Azken txartela Donezteben erabakiko da. Zeberio II.ak eta Ionek 11 puntu dituzte, baina dagoeneo jokatu dituzte jardunaldi guztiak. Ezkurra II.ak eta Barricartek 9 puntu dituzte. Donezteko jardunaldia irabaziko balut, lau puntu eskuratu eta finalerdietan izanen lirateke. Bigarren izanen balira, tantoen aldeak erabakiko luke sailkapena. Azkeneak geldituko balira, Zeberio II.a eta Ion izanen lirateke finalerdietan.
Altsasuko torneoa
Igandean Altsasun jokatutako torneoan, Zeberio II.ak eta Ionek 35-29 irabazi zieten Ezkurra II.a eta Barricarti. Jaialdia hasteko jokau zen partidan, Matxin III.ak eta Agirrezabalak 35-21 irabazi zieten Erburu eta Aimar Saldias oiztarrari.