Buruz buruko erremonte txapelketan sartu ahal izateko lehen partida irabazi du Aritz Zubiri goizuetarrak

Aritz Zubiri goizuetarrak buruz buruko txapelketan sartu ahal izateko lehen urratsa eman du.

Oskar Urrutia II.a saldiastarrak, aldiz, galdu egin du

Erremonteko banakako txapelketa hasteko, zortzi erremontista bi taldetan banatu dituzte. Talde bakoitzeko lehen sailkatua buruz buruko txapelketan sartuko da. A taldean Oskar Urrutia II.a saldiastarra, Aizpuru III.a, Zaldua I.a eta Goikoetxea V.a daude eta B taldean Aritz Zubiri goizuetarra, Martirena, Larrañaga eta Zaldua II.a.

Astearte arratsaldean lau partida jokatu zituzten, eta B taldeko lehen partidan, Aritz Zubiri goizuetarrak 30-22 irabazi zion Martirenari, pronostikoa betez. Talde berean Zaldua II.ak sorpresa eman zuen, Larrañagari 29-30 irabazita.

Hirugarren partidan, Aizpuru III.ak sei tantotan utzi zuen Zaldua I-a. Aizpuru III.a zen faboritoa, baina gutxik espero zuten hain emaitza ona. Goikoetxea V.ak 30-22 irabazi zion Oskar Urrutia II.a saldiastarrari.

Hurrengo jardunaldia ortzegunean jokatuko dute, berriz ere lau partidarekin, eta sarrera doan izanen da Galarreta pilotalekuan, 16:30etik aurrera. Ligaxkako azken partidak uztailaren 24an, larunbatean eta datorren asteartean, uztailaren 27an, jokatuko dituzte.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun