Larunbat arratsaldean Nafarroako orga joko txapelketa, lokotx biltze txapelketa eta kadete mailako arpana txapelketa jokatzekoak zituzten Doneztebeko BearZana plazan 18:00etan, eskualdeko kirolari aunitzekin.
Doneztebeko Udaletik jakinarazi dutenez, egun hauetan Malerrekan ateratzen ari diren positibo pila direla eta, jaialdi hori gibeleratzea erabaki dute. «Ikusiko da egoerak nola segitzen duen, baina printzipioz uztail bukaera edo abuztuan jokatuko dira Donezteben», jakinarazi dute.