Josetxo Ezkurra II.a doneztebarrak eta Ionek irabazi dute Iruñeko Alde Zaharreko VII. Erremonte txapelketa. Ortziraleko finalerdian erraz irabazi zieten Aimar Saldias oiztarrari eta Xanti Uterga doneztebarrari (35-13) eta larunbateko finalean 35-26 irabazi zieten Zeberio II.ari eta Azpirozi.
Finala berdindua joan zen (20-16 aitzinetik ere izan ziren Zeberio II.a eta Azpiroz), baina hogeita banako berdinketa bitarte, baina hortik aitzinera nagusi izan ziren urdinak.
Jaialdia hasteko jokatu zen partidan, Aldabek eta Barricartek 35.33 irabazi zieten Eloy Otxandorena doneztebarrari eta Aimar Saldias oiztarrari. Malerrekako bikotea partida guztian bizpahiru tanto aitzinetik ibili zen, baina azkenean ihes egin zien partidak. Finalerdietako eta finaleko diru-sarrera guztiak ADANO elkartearentzat izan dira.
