Lau bikotek parte hartu dute gaurtik larunbatera Labriten jokatuko den Iruñeko Alde Zaharreko VII. Erremonte txapelketan. Gaur 19:00etan jokatuko dute lehen finalerdia Aldabe eta Barricartek, Zeberio II.a eta Azpirozen kontra. Bihar ordu berean jokatuko den finalerdiko lau erremontistetatik hiru Malerrekakoak izanen dira: Xanti Uterga doneztebarra eta Aimar Saldias oiztarra, Doneztebeko Josetxo Ezkurra II.a eta Ionen kontra jokatuko dute. Finalerdietako irabazleek uztailaren 3an, larunbatean 18:00etan jokatuko dute finala.
Erremonte Fundazioak antolatzen dituen ekitaldi guztiak bezala, jaialdiak ADANO elkartearen alde izanen dira eta 5 euroko sarrera ordaindu beharko da. Segurtasun neurri guztiak beteko dira.