Aritz Juaneneak eta Barrenetxea IV.ak erremonteko San Fermin txapelketaren finalerako sailkatzeko lehen urratsa eman zuten larunbatean Galarretan, Ansa II.a eta Larrañagari 30-26 irabazita. Saldiastarra izan zen partidako onena.
B multzoan, gozotik eta gazitik dastatu zuten eskualdeko erremontistek. Lehen partidan, Oskar Urrutia saldiastarrak eta Martiarenak 30-11 irabazi zieten Zaldua II.a eta Labakari, erraz. Hirugarren partidan, aldiz, Aritz Zubiri goizuetarrak eta debuta egin zuen Loitegik, 24-30 galdu zuten Goikoetxea V.a eta Murgiondoren kontra (azken hau ere lehen aldiz aritu zen profesionaletan).
Larunbateko emaitzak Galarretan
- Urrutia II.ak eta Martirenak, 30; Zaldua II.ak eta Labakak, 11
- Juaneneak eta Barrenetxeak, 30; Ansa II.ak eta Larrañagak, 26
- Goikoetxea V.ak eta Murgiondok, 30; Loitegik eta Zubirik, 24