Nafarroako XVI. Erremonte Txapelketako jardunaldia jokatuko dute ekainaren 19an, larunbatean 19:30ean hasita Artaxonako kiroldegiko pilotalekuan. Matxin III.a (Otxandorenaren ordezko) eta Azpiroz, Josetxo Ezkurra II.a doneztebarra eta Barricart eta Aldabe Aimar Saldias oiztarra izanen dira protagonista. Azken hauek jokatu dituzten bi jardunaldiak irabazi dituzte.
David Beriaini omenaldia
David Beriain Amatrain zenari omenaldia eskainiko dio Erremonte Fundazioak jaialdian. Beriainek lankide batekin erakutsitako adiskidetasun eta sakrifizioa goraipatu nahi dituzte, zauritutako lagunaren ondoan gelditu baitzen, eta horrek heriotza ekarri zion azkenean. Remonte Fundazioarentzat, bere gidaritzapean prestatzen diren kirolari guztiei irakatsi nahi dien baliorik garrantzitsuena adiskidetasuna eta lankidetza dira, eta horixe egin zuen Beriainek, muturreraino eramanez, bere bizitza ere eman baitzuen zauritutako lankide bat bakarrik ez uzteagatik.