Aramaion (Araba) jokatu zen igandean mendi bizikletako Euskadiko Irekiko proba berri bat. Kadete mailan garaipena lortu zuen CC Baztandarra taldeko Eneit Bertiz sunbildarrak eta, honela, lidergoa sendotu du.
Cadete mailan laugarren izan zen Beñat Zamora taldekidea. Junior mailan, berriz, Koldo Herrera sunbildarra bigarren izan zen, Hodei Aleman bederatzigarren, Iraitz Iturralde hamargarren eta Martin Etxabe hamabigarren.
Arizkungo mendi bizikleta saria larunbatean
Eskualdeko 70 bat txirrindulari gaztetxok parte hartu zuten larunbatean Nafarroako Kirol Jokoetarako baliagarria den Arizkungo II. mendi bizikleta sarian. Gehienak Baztandarra taldekoak. Alebin mailan Baztandarra taldeko Julen Valer eta Ekiñe BErtiz nagusitu ziren eta infantil mailan Ulibeltzak elkarteko Aitor Igoa sunbildarra. Aipatzekoa da ekainaren 26an Eskolarteko I. Txirrindulari lasterketa eginen dutela Elizondon.
Ivan Villoria bigarren Undianon
Errepideko bizikletari dagokionez, igandean Undianon jokatu zen kadete mailako Lacturale Sariko proban bigarren izan zen Gama Ermitagaña taldeko Ivan Villoria iruritarra. Baztandarra taldeko Oihan Apeztegia sunbildarrak helmugatik hurbil utzi behar izan zuen proba. Lehen urteko kadetea izan arren, ongi ari da Apeztegia.
