Doneztebeko Udalak udan igerilekuan aritzeko bi sorosle kontratatzeko deialdia egin du. %77,73ko lanaldia da eskaini zaiena. Hautagaiek adin nagusikoak izan beharko dute eta sorosle titulua, Desa delako egiaztagiria eta B2 ahozko hizkuntza eskakizuna beharko dute. Interesa dutenek Curriculum Vitaea eta eskatutako dokumentazioaren kopia bat udaletxeko bulegoetan aurkeztu beharko dute ekainaren 14a baino lehenagoko epean (09:00etatik 14:00etara).
Hizkuntza eskakizuna betetzen ez duten hautagaiek proba baztertzaile bat egin beharko dute ekainaren 18an. Egun berean izanen da hautagaien proba idatzia ere, udaletxean, 11:00etan. Probak 80 puntu balioko du eta esperientzia gehienez ere 20 punturekin baloratuko da.