Maiatzaren 15ean akitu zen Malerreka-Agoitz lehen erremonte txapelketa. Finalera Errekako Eneko Maylin II.a eta Erik Otxandorena eta Julen Pikabea eta David Mitxeo ailegatu ziren eta bikote bakoitzak partida bana irabazita, tantoaren aldea erabaki du txapelduna: Maylin II.a eta Otxandorena.
Finaleko lehen partida maiatzaren 13an jokatu zuten Agoitzen. Maylin II.ak eta Otxandorenak 35-26 irabazi zieten Pikabea eta Mitxeori ortzegunean. Itzulerako partida larunbatean jokatu zuten Doneztebeko Ezkurra pilotalekuan. Oraingoan ere lehia estua izan zuten eta azkenean Pikabea eta Mitxeo nagusitu ziren, 35-30. Beraz, 5 tantoko aldeaz irabazi zuten, baina Agoitzen bederatzikoa lortu zutenez Maylin II.ak eta Otxandorenak, beraientzat izan zen txapela (65-61 denera).