Apirilaren 3an, larunbatean, herriko zortzi gaztek, bikoteka, herritik Mendaurko kaskora goititzeko erronka egin zuten. Honela osatu zituzten bikoteak: Iker eta Gorka; Aritz eta Jon; Oier eta Oier; eta Ugaitz eta Willian.
Plazatik Mendaurko kaskoraino behar izandako denborak gehituz, Iker eta Gorka izan ziren azkarrenak eta beraz, eurentzat izan zen apustua. Ikusmin handia sortu zen, bai ibilbidean eta baita Mendaurren ere herritar ugari bildu zen.
Pandemia garai honetan, segurtasun neurri guztiak betez, elkartzeko eta gozatzeko hitzordu polita izan zen herriko gazteek antolaturikoa.