Iruñerriko erremonte profesionaleko lehen txapelketaren finala jokatuko dute apirilaren 9an Iruñeko Labriten. Ortziralean 18:30ean hasiko den jaialdiaren lehen partidan, Zeberio II.a eta Garcés, Otxandorena doneztebarraren eta Ionen kontra ariko dira. Txapelketako finalean, berriz, Xanti Uterga doneztebarra eta Barricart, Josetxo Ezkurra doneztebarra eta Aimar Saldiasen kontra ariko dira.
Covid-19aren kontrako protokoloa betetzeko, gehienez 285 ikuslek izanen dute finalera sartzeko aukera, giro ona izatearekin batera, segurtasuna ere bermatuz. Sarrerak 5 eurotan salduko dituzte, eta txapelketa osoan bezala, Nafarroan minbizia duten umeak eta senideak biltzen dituen ADANO elkartera bideratuko da jasotako dirua.