Erremonte afizionatuko Nafarroako bi txapel jokoan izan ziren martxoren 27an, larunbat goizean Iruñeko Labrit pilotalekuan. Gazte mailan, Nafarroako Kirol Jokoen baitan, Doneztebeko Erreka elkarteko bi bikote izan ziren aurrez aurre: Pikabeak eta Otxandorenak 35-27 irabazi zieten Maylin II.ari eta Leatxari. Senior mailan ere, Nafarroako klub arteko txapelketan, Errekako bikote bat suertatu zen txapeldun. Izan ere, De Ruedak eta Mitxeok 35-20 irabazi zieten Agoizko Maylin I.ari eta Segurari.