Frontoiko argien funtzionamenduan aldaketa
Leitzako enpresa bat kontratatuta, herri argiteria ere berritu dute Saldiasen, LED sistemako argiak jarriz. Honela, argiaren kostua murrizteaz gain, argi kutsadura ere murriztu da. Argiteri sistema honek egiten duen argia osorik aprobetxatzen da herrian. Argiaren kalitatea eta kantitatea hobetu dira.
Horrez gain, frontoiko argiaren funtzionamenduan aldaketak gertatu dira. Orain, frontoiaren barruan dagoen botoi gorria sakatuz, hiru argi dohainik izanen dira bertan dabilenarentzat. Gainerako argiak piztu ahal izateko euro bateko txanpona sartu beharko da bertan dagoen kutxan. Kutxa batekin geratzen diren argien erdiak piztuko dira eta beste kutxan beste txanpona sartuta, gainerakoak. Hauek 30 minutuko iraupena izanen dute.