Herritarren eskura jarri ditu Zubietako Udalak kolunbarioak. 320 euro ordaindu beharko ditu bakoitzak izena emateko eta ostiraleko, martxoaren 26eko, goizeko hamaikak arte eskatzen ahalko dituzte interesatuak. Ondotik, izena eman dutenen artean, jendaurreko zozketa eginen dute bakoitzari zein egokituko zaion zehazteko. Zozketaren eguna eta ordua etxez etxe banatuko den bandoan zehaztuko da. Zozketatik kanpo geratuko dira ordaintzen ez dutenak.