Malerrekako Mankomunitateko Euskara Zerbitzuak eskuko telefonoarekin bideo hobeak grabatzeko gakoak ikasteko ikastaroa antolatu du. Oier Fuentes (Katubi ikus-entzunezkoak) izanen da gidari eta parte-hartzaileak Doneztebeko Herrigunean bilduko dira apirilaren 10ean eta 17an, bi larunbatetan. Guztira sei orduko ikastaroa izanen da, bi egunez 10:00etatik 13:00etara elkartuko direlako.
Izen-ematea
Izena emateko Malerrekako Mankomunitatera deitu (948 45 17 46) edo idatzi (euskarazerbitzua@malerreka.eus) behar da eta azken eguna apirilaren 8a, ortzeguna, izanen da. Ikastaroaren truk ez da deus ordaindu beharko.