Programak hainbat garaitako maisu handiak bilduko ditu: Tomás Luis de Victoria, Lorenzo Perosi, Charles Gounod, Maurice Duruflé, Franz Biebl, Aita Madina, Xabier Sarasola... Beraien eskutik abesbatzen errepertorioko obra handienetako batzuk abestuko dituzte.
Emanaldian hainbat bakarlarik hartuko dute parte: Arantxa Ziganda, Alaitz Indart, Alicia Telletxea, Xalba Arriola, Bixi Ameztoi, Itziar Zelaieta eta Gorka Ordaxek, hain zuzen ere. Eta horiez gain, piano eta organoa jotzen Ruth Etxebeste eta Amaia Cordoba izanen dira. Guztiak, Ion Irazokiren zuzendaritzapean.
Kontzertua indarrean dauden segurtasun neurri guztiak zainduz eginen da eta horretarako, 19:45ean irekiko dute elizako atea edukiera kontrolatzeko.