Oriamendi txapelketako bi partida jokatu zituzten asteartean Galarretan eta finalerdietako protagonistak erabakiak gelditu dira, jardunaldi bat eta erdiren faltan. Oskar Urrutia, Urrutia II.a saldiastarrak garaipena lortu zuen. Aizpururekin bikote eginez, 40-30 irabazi zieten Zaldua II.a eta Larrañagari.
Jaialdiko lehen partidan, Goikoetxea V.ak eta Labakak 40-32 irabazi zieten Mirubia eta Martiarenari.
Gisa honetara, lau partidak irabazi eta 16 puntu dituzten Goikoetxea V.ak eta Labakak, lau partidatan 12 puntu lortu dituzten Urrutia II.ak eta Aizpuru III.ak eta hiruna partidatan hamarna puntu dituzten Mirubia-Martiarena eta Segurola-Zaldua bikoteak izanen dira finalerdietan. Finalerdietatik kanpo gelditu dira Etxarri eta Aritz Zubiri goizuetarra eta Zaldua II.a eta Larrañaga.