Doneztebeko Erreka Kirol Elkartearen erremonte eskola indarrean dago. Ortziralero entrenatzen dute Josetxo Ezkurra II.a eta Julen San Miguel monitore dituztela eta hamabi urtetik goitiko gazteentzat irekia dago. Interesa duen edonorrek eman dezake izena, bertara agertuta.
Gainera, Agoitzeko eskolarekin batera eta Erremonte Fundazioaren laguntzarekin, bi txapelketa martxan jartzeko asmoa dute, Donezteben eta Agoitzen jokatuko direnak. Jubenil mailakoa Nafarroako Kirol Jokuen barrenean egonen da eta senior mailakoa Nafarroako Txapelketa izanen da.