Guardia Zibilak ohar baten bidez azaldu duenez, Sepronako agenteak zaintza lanetan zebiltzan Mugakosoron eta hiru motorzaleak Sepronako agenteen presentziaz ohartu zirenean, noranzkoa aldatu eta ihesean hasi ziren. Alabaina, moto horietako bat matxuratu eta motorzaleak lasterka ihes egin omen zuen motoa hantxe bertan utzita.
Motoa matrikula-plakarik gabe zegoenez, Sepronako agenteek txasis-zenbakiaren bidez identifikatu dute motoaren titularra eta 2.000 eurotik gorako salaketak jarri dizkiote hainbat arau-hausterengatik: motoa asegururik gabe ibiltzeagatik, IAT (Ibilgailuen Azterketa Teknikoa) 2004az geroztik pasatu gabe izateagatik eta nahitaezkoak diren argirik eta atzerako ispilurik gabe ibiltzeagatik.
