Lekunberriko Xabier Azpirozek ezustea eman zuen igandean Lodosan eta Eguberrietako XV. buruz buruko erremonte txapelketako hiruko finalean nagusitu zitzaion Xanti Uterga doneztebarrari eta Ion Etxeberria azpeitiarrari.
Finaleko lehen partidan, Xanti Uterga doneztebarrak 20-12 irabazi zion Ioni. Azpirozek final borobila jokatu zuen, erasoan nahiz defentsan eta 20-16 irabazi zion lehenik Ioni, eta bertze horrenbertze (20-16) Xanti Utergari, finala erabaki zuen lehian.
Buruz buruko finalaren aitzinetik, binakako partida jokatu zuten eta Zeberio II.ak eta Otanok 35-30 irabazi zieten Josetxo Ezkurra II.a doneztebarrari eta Aimar Saldias oiztarrari.