70 minutuko iraupena duen ikuskizuna, helduei zuzendua dago. Edukiera mugatua denez, gonbidapenak Doneztebeko Liburutegian eskuratu ahal izanen dira 16:30etik 20:00etara.
Sinopsia
Erradikalak ginen, gara eta izanen gara. Bigarren aldiak inoiz onak izan ohi ez direla diotenei kontra egitera datoz. Lehen aldi hartako pasioz, kortseak askatuta, bertso eta bakarrizketa bidezko formatuari eutsi eta buru-berokiak eduki berriz betetzeko gogoz.
"Neska gazte promesa" etiketaz, zahartzeaz, gorputzaren aldaketez, sexualitateaz, merkatu patriarkalaz, intersekzionalitateaz, beldurraz, biolentziaz eta zeharkatzen dituzten bertze hainbat gaiz kantatu eta kontatu nahi dute bi protagonistek. Feminismoa zehar-lerrotzat hartuta eta umorez. Umorez, beraz, serio.