Erreka Elkartearen Eguberrietako saskia lortzeko boletoak salgai

Ttipi-Ttapa 2020ko aza. 17a, 13:00
Argazkian 2019an Erreka Kirol Elkartearen Eguberrietako saskiaren irabazlea.

Zozketa abenduaren 18an, 20:00etan, eginen dute Elkartearen egoitzan.

Urtero bezala, Doneztebeko Erreka Kirol Elkarteak Eguberrietako saski ederra osatu du urtean zehar egiten dituen jarduerak finantzatzeko eta txartelak herriko denda eta ostatu gehienetan paratu ditu salgai. 

Honako sari hauek osatzen dute saskia: 150 euroko balea Doneztebarrak Merkatari eta Zerbitzu elkarteko saltokitan gastatzeko; 150 euroko balea erregaian; Robot xurgatzailea (Roomba); bi lagunentzat asteburuko ateraldia; hutsean ontziratzeko makina; ordenagailu eramangarria; mendiko bizikleta; 50" telebista; bi lagunentzako otordua eskualdeko jatetxe batean; eta, ardo, urdaiazpiko nahiz likorez hornitutako saski eder bat, bertzeak bertze. 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun