Urritik aitzinera asteartero izanen da ipuin txokoa Doneztebeko liburutegian. Hiru urte bitarteko haurrei zuzendutako ekimen honetan, liburu, kanta eta musika landuko dituzte. 11:00etatik 12:00etara elkartuko dira Haizea Loira musikoterapeutak bideratutako saioetan.
Asteartetako ipuin txokoaz gain, narratiba taldea ere elkartzen hasiko da. Irailaren 30ean hasi eta hileroko azken asteazkenean elkartuko dira 19:00etan.
Irakurle taldeak joan zen astean eman zion hasiera kurtsoari. Hauek, hilaren azken astelehenean bilduko dira 19:00etan.
Informazioa eta argibideak nahi dituenak Doneztebeko liburutegira jo dezake.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.