Bi finalaurreko eta finala gelditzen ziren jokatzear Bardoak 2020 amaitzeko. Ordurako Leitzako Atekaberts komeni taldeak eskuratua zuen finalerako txartela. Bertze bi finalistak urriaren 2an jokatuko diren Goizuetako eta Jaunsaratseko finalaurrekoetan argituko dira.
Goizuetako saioan Lesakako Arranopola eta Malerreka-Baztango Bertsonautak taldeak arituko dira, joaneko saioan Bertsonautek irabazi zuten puntua. Jaunsaratsen berriz Berako Lamixene eta Barañaingo Hego haizea taldeak abestuko dute, kasu honetan beratarrek lortua zuten puntua.
Orain, ia zazpi hilabeteko etenaren ostean, hasitakoa bukatzera itzuliko dira Bardoak. Nafarroako Bertsozale Elkarteak, tokiko antolatzaileekin batera, pandemia egoerak eskatzen dituen segurtasun eta prebentzio neurri guztiak betetzeko konpromisoa hartu du. Aforoak mugatu eginen dira, segurtasun tarteak mantendu, aretoeera sartzeko eskuak garbitu eta musukoa ezinbestekoa izanen da saio guztian zehar. Saioen osterako aurreikusitako otorduak ez dira eginen.
Goizuetako saioan sarrerak aurrez erosi beharko dira, herriko estankoan. Jaunsaratsen berriz, egunean bertan izanen dira salgai aretoan bertan. Bi kasuetan, 3 euroko salneurria izanen du sarrerak.
Finala urriaren 17an izanen da Lizarrako Ikastolan. Finaleko sarreak irailaren 28an paratuko dira salgai Ikastolan bertan eta www.bertsosarrerak.eus atarian ere.