Nafarroako erremonte txapelketako final laurdenetako ligaxkako azken jardunaldia jokatuko da asteburu honetan Garesko Zamariain pilotalekuan. Ortziralean 19:30ean hasiko den jaialdiko partidan, dagoeneko txartela lortua duten bi bikote ariko dira: Xanti Uterga doneztebarra eta Otano, Josetxo Ezkurra II.a doneztebarra eta Barricart-en kontra ariko dira, ligaxkako lehen postuaren bila. Beraz, Doneztebeko lehengusu eta Agoizko lagunen arteko lehia izanen da.
Jaialdi honetako lehen partidan, Erburu eta Aimar Saldias oiztarra, Beñat eta Julen Larretxea doneztebarraren kontra ariko dira.
Larunbatean 18:00etan hasiko den jaialdian, txapelketako partidan, Zeberio II.a eta Garces, Matxin III.a eta Azpirozen kontra ariko dira. Hauek bai, finalerdietako txartela jokoan izanen dute.