Saldiastarren arteko lehiako irabazleak Urrizaren kontra jokatuko du finalean
Buruz buruko erremonte txapelketaren finalaurrekoa jokatuko dute larunbatean Galarretan Aritz Juanenea eta Endika Urrutia saldiastarrek. Partida erabakigarri horretarako pilotak aukeratu zituzten asteazken arratsaldean. Larunbateko irabazleak Urriza dauka esperoan finalean. Argazkiak: Maialen Andres
Finalaurrekoa gorriz jokatuko duen Juaneneak hautatu zituen lehenik pilotak: hamar minutu baino guttiago behar izan zituen 129, 128 eta 127 gramoko hiru pilotak aukeratzeko. Pilota indartsuak, mugitzeko zailagoak. Endikari gehixeago kosta zitzaion, ez baita aukeraketen sobera zalea. Pilota bizixeagoak eta altura gehiago hartzen dutenak aukeratu zituen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.