Sunbillan kamioilari bat salatu dute marihuanan positibo emateagatik eta atzeko literan neskato bat gerrikorik gabe eramateagatik

Ttipi-Ttapa 2020ko ira. 12a, 10:41

Sunbillan egin duten kontrol batean, Elizondoko polizia-etxeko foruzainek 42 urteko Zaragozako kamioilari bat salatu dute. Foruzaingotik adierazi dutenez, kamioiaren literan 11 urteko neskatoa zeraman segurtasun-uhala lotu gabe eta berari egin dioten drogaen testak positibo eman du marihuanan. Auto-garraioan zebilen kamioia ibilgetu egin dute foruzainek gidariari drogaren eraginak desagertu arte.

Kontrol berean, laugarren aldiz inputatu dute Irungo 31 urteko gizonezko bat, gidabaimena kenduta izanik ere, berriz ere gidatzen harrapatu dutelako. Autoa miatu diotean, agenteek 20 gramo marihuana, 2,5 gramo speed eta kontsumitzeko prest zeuden bi porru aurkitu dizkiote. Droga proban positibo eman du anfetaminan, metanfetaminan eta kalamuan.

 

Gertaerak Malerreka Sunbilla

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun