Patxi Ordoki Doneztebeko taldeko entrenatzaileak Xorroxin irratian adierazi duenez, final «zaila» izanen dute bihar Iruñeko Labrit pilotalekuan jokatuko dutena. Doneztebek bere zortzigarren finala izanen du eta guztietan Iruñea izan du aurkari. Orain arte, jokatu dituzten zazpi finaletan bortzetan izan da nagusi Doneztebe eta helburu bera izanen du biharkoan ere.
Doneztebek kimuetan Jimenez eta Salaberria bikotea aurkeztuko du, haurretan Apezetxea eta Garaño, gaztetxoetan Telletxea eta Loiarte eta seniorretan Barandiaran eta Gorriti.