Larunbatean, hilaren 22an, ordu berean emanen diote segida txapelketari. Jabalera eta Agirrezabalagak Eloy eta Larretxea izanen dituzte aurrez aurre. Ondotik, Ezkurra II.ari eta Barricarti pasatuko diote lekukoa, Matxin III.aren eta Azpirozen kontra lehiatzeko. Ezkurrak herritarren babesa izanen du lagun, baina Iruñeko Alde Zaharreko Txapelketako finalean eskumuturrean izandako lesioaz geroztik geldirik egon da. Joan den asteartean herrian saiakera egin ondotik, frontoira itzuli da.
Ikusleek bi eguneko jaialdiaz gozatzeko, hamar euro ordaindu beharko dituzte eta sarrerei esker bildutako dirua minbizia duten haurren aldeko Adano elkartearentzat izanen da. Horrez gain, maskarak erabiltzeko, distantziak zaintzeko eta tenorez joateko deia egin dute.