Euskal Jai Berri Erremonte Fundazioak eta e-Remonte enpresa berriak akordioa lortu ondotik, larunbat honetan, abuztuak 1, bi erakundeek elkarretaratzea eginen dute Elgorriagako Bainuetxean. Kontzentrazio horretara Erremonte Fundazioko zuzendaritza batzordeko kide batzuk joanen dira, baita e-Remonte enpresako zuzendariak ere, enpresa horretako erremontista guztiekin batera.
Senidetze-eguna izanen da, eta Elgorriagako Bainuetxeko instalazioez gozatzeaz gain (Erremonte Fundazioarekin lankidetza-hitzarmena du), mendia egiteko eta inguruko herriak bisitatzeko aprobetxatuko da, hala nola, Doneztebe, Elgorriaga edo Ituren.
Kontzentrazio horren bertze helburuetako bat, bi erakundeen arteko lankidetza-akordioaren ondotik, akitu berri den 2020ko Iruñeko Alde Zaharreko VI. Erremonte Txapelketaren balorazioa egitea izanen da. Abuztuaren erdialdean hasiko den 2020ko Nafarroako Foru Komunitateko XV. Erremonte Txapelketari buruz ere solastatuko dute.