Dantzatzeko hitzordua igandean Donezteben

Ttipi-Ttapa 2020ko uzt. 21a, 16:00

Erreka Dantza Taldeak haur, gazte eta helduentzat dantzez gozatzeko bi hitzordu antolatu ditu. Uztailaren 17an izan zen lehenbizikoa, 18:00etan eta bi eta hamabi urteko haurrak bildu ziren. Hurrengo hitzordua heldu den igandean, uztailaren 26an, izanen da.

Dantzari eta dantzazaleak eguerdian, 12:00etan, bilduko dira, Bear Zanan. Hamar laguneko taldeak (eta gehienez 50eko edukiera) onartuko dute eta musukoa jantzita joan beharko dira. Bertaratzeko deia egin dute: «Animatu gurekin batera hankak eta besoak astintzera!».

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun