Galbaraialde errekaren gaineko egurrezko zubiak mende laurdena bete du Donezteben

Ttipi-Ttapa 2020ko eka. 19a, 18:00
1995eko apirilaren 30ean inauguratu zuten Galbaraialdeko egurrezko zubia eta Arkupeak elkarteko kide aunitzek parte hartu zuten bestan.

1995ko apirilaren 30ean inauguratu zuten Intzakardi eta Elizagibela oinezkoentzat lotzen duen eraikina

Aurten bete ditu 25 urte Doneztebeko Galbaraialde errekaren gainean, Intzakardi eta Elizagibela oinezkoentzat lotuaz, eraikitako zubiak. Zehazki, 1995eko apirilaren 30ean inauguratu zuten. 25 urtez Arkupeak elkartearen buru izan zen, eta hainbertze lan egin zuen, Felipe Ganboak hainbat laguntzailerekin batera egindako ahaleginak ez ziren alferrik izan.

Gaur, beheko solairuan haurtzaindegia eta goiko solairuetan gizarte-babeseko bizitzak diren Elizagibela karrikako blokea  eraikitzeko eta bertara sarbidea errazteko zubia egiteko izan ziren atsedenik gabeko ekimenak.

Bai herrian, baita Iruñean ere  kikildu gabe, eta amore eman gabe jo zituen Felipe Ganboak behar ziren ateetako aldabak, eta 1995ean ikusi ziren fruituak. Datu bitxi bezala, aipaturiko pasabidea,  Bretainiako lantegi batean, zura tropikalezko  44 metro luzerako pieza bakarrean batu eta kamioiz ekarri zuten, zortzi milioi pezeta ordaindu zen, garai hartako Nafarroako  oinezko pasabiderik luzeena. 1995eko apirilaren 30ean izan zen bataren eta bertzearen inaugurazioa elkarteko kideek festa eder batekin ospatu zuten.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun