Herri kros berezia izanen dute aurten Donezteben

Ttipi-Ttapa 2020ko eka. 2a, 09:00
Aurten Herri Kros 'berezia' izanen da.

Egungo egoera ikusita, aurten Herri Kros berezia antolatu du Erreka Kirol Elkarteak. Parte hartu nahi duenak lasterka ageri den bideo bat grabatu eta errekaelkartea@yahoo.es helbide elektronikora bidali beharko du. Bideoan bakarrik, familiakoekin, lagunekin... agertu ahal izanen da eta gehienez 10 segundokoa beharko du (horizontalean grabatzeko deia egin dute).

Bideoarekin batera, izen-abizenak, herria eta telefonoa jarri behako dira eta korreoaren gaia Herri Krosa izanen da. Bideoa bidaltzen duten guztien artean Erreka Kirol Elkartearen babesle diren denda, ostatu, enpresetan... gastatzeko 100 euroko 6 bale zozketatuko dituzte.

Ekainaren 17ra arte bidal daitezke
 
Bideoak ekainaren 17a, asteazkena, baino lehen bidali behar dira eta guztien artean muntai bat eginen dute, sare sozialetan partekatuko dutena. Zozketa Herri Krosa egitekoa zuten egunean, hau da, ekainaren 21ean, eginen dute.
 

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun