Ikerketak dioenaren zain, ustekabean bere kamioiak harrapatuta hil zen atzo Beintza-Labaiengo gizona Beriainen

Miguel Mari Saldias Gragirena, 54 urtekoa, astelehenean hil zen Logística y Reciclajes Urradi enpresan, laneko istripu batean, lehen hipotesien arabera. Kamioi baten atzeko gurpilaren azpian zegoen gizona, eta lankide batek aurkitu zuen goizean goiz, aurreko gauean ezin izan baitzuen berarekin harremanetan jarri.

Goizeko lehen orduan, langile batek Guardia Zibilari jakinarazi zion bere nagusia kamioiaren atzeko gurpiletako baten azpian harrapatuta aurkitu zuela. SOS Nafarroako osasun zerbitzuak joan ziren istripuaren lekura, baina langilea hilda zegoen. Cordovillako suhiltzaileek erreskatatu zuten gorpua. Nafarroako Auzitegi Medikuntzako Institutura eraman zuten, autopsia egiteko. Guardia Zibilak ikerketa abiatu du, istripua zergatik gertatu zen argitzeko.

ELA, LAB eta CCOO sindikatuek lan istripua gaitzetsi dute, eta elkartasuna adierazi diote hildako langilearen familiari.

 

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun