Gazte kanpaldietan mendian segurtasuna zaintzeko ikastaroa martxo bukaeran Donezteben

Larunbat arratsaldean ibilaldia eginen dute.

Martxoaren 27tik 29ra eskainiko dute ikastaroa Doneztebeko Belbieretxea aterpean. Izena emateko dime@navarra.es helbidera idatzi behar da.

Gazteekin egiten diren Jardueretarako Nafarroako Eskolak (GENE) antolatuta, martxoaren 27tik 29ra, hiru egunez, mendiko segurtasunari buruzko ikastaroa izanen da Doneztebeko Belbieretxean.Izena eman nahi dutenek Nafarroako Gazteriaren Institutuaren bidez (dime@navarra.es) eman dezakete eta Iruñetik joan-etorria egiteko autobusa izanen da.

Egitaraua

Martxoaren 27an, ortziralean, ikastaroa aurkeztuko dute. Larunbatean, martxoaren 28an, hainbat tailer eta praktika eginen dituzte. Arratsaldean, berriz, materialaren berrikusketa egin eta ibilaldia hasiko dute. Igandean, ibilbidea akituta, aterpera itzuliko dira.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun