Larunbatean 10:00etan egin dute hitzordua, frontoian. Mozorroak soinean etxez etxe eskean ibiliko dira Oihana eta Irati trikitilarien doinuek lagunduta. Goiza harat eta honat ibili ondotik, 17:00etan berriz elkartuko dira baserrietan segituko dute eskean. Ez da eguneko hitzordu bakarra izanen. Izan ere, ordu berean, 3 eta 12 urte bitarteko haurrek Berdintasunari kolorez kanta ipuin-kontaketa eta tailerra izanen dituzte ludotekan, igandean ospatuko den Emakumearen Nazioarteko Egunaren atariko. Egunarekin bat eginez, Malerrekan errespetuzko harremanak dioen lona ere paratuko du udaletxean.
Gauez Barranka jatetxean bilduko dira eta triki-bertso afaria eginen dute Aitor Mendiluze eta Iker Zubeldia bertsolariekin eta Oihana eta Irati trikitilariekin.