Hilabeteko hondarreko egunean ospatuko dituzte saldiastarrek inauteriak, hilaren 29an. Bazkarira edo afarira joateko otsailaren 26a baino lehen txartelak hartu beharko dira ostatuan. Haurrentzako menua ere eskainiko dute.
Larunbatean 09:30ean elkartu eta baserrietarako bidea hartuko dute Unai Muñoa eta Ander Lizarralde bertsolariekin eta Oihana eta Irati trikitilariekin. Goiza harat-honat pasatu ondotik, 14:30 aldera bazkaltzeko bilduko dira Herriko Ostatuan. Ondotik, herrian barrena ibiliko dira eta gauean, ostatuan afaria izanen da.